DIE HITS (2002/2003)

'n Amptelike Greatest Hits toer wat van middel 2002 tot begin 2003 plaasgevind regdeur die land, en dit was 'n groot sukses.
Songs soos Dom Dom Dominee, Feetjieland en Stars on 45 is almal herverwerk deur Sean Butler om dit moderner te laat klink,
en drie dansers het die show 'n huppel in die stap gegee.
Die stand-up het gekom uit shows so ver terug as Small Talks tot en met DiMensie
TERUG BOONTOE

 
 
DIMENSIE (2001/2002)

Die mees kontroversiele show (tot dusver) weens die Godsdiens inhoud. Tydens die heel eerste show was die audience doodstil
toe ek begin praat oor mites en godsdiens en SuperMan se verhaal met die van Jesus vergelyk. 'n Paar maande later plaas Beeld
'n soortgelyke artikel en nie 'n haan kraai nie!!! Mense lig my per email in dat my loopbaan verby is en dat ek 'n "vieslike" show het.
Die show is op DVD - ek dink dit was sy tyd (vir Suid-Afrikaners) ver vooruit, en mense sal nou eers begin verstaan wat ek
actually bedoel het.
Daar was VIER dansers saam met my in hierdie aanbieding.
Musiekverwerking deur Didi Kriel.
TERUG BOONTOE
 
LAAT DAAR LAG WEES (2002)

Die landswye toer van laatdaarLAGwees was 'n enorme sukses.
Dit was die eerste show waarin daar twee dansers was (Shannon en Liesl).
Die tema van ewolusie (natuur vs kultuur) staan sentraal in hierdie produksie.
Patience se skets "Hoer Ry die Boere" en Jaco/Jacomien met die PeNeus (Goorblad skets) kom
oorspronklik uit hierdie show (lg twee sketse is later ook gebruik in die CasperRasperShow).
Musiekverwerking deur Didi Kriel en Andrew Roos.

Binnekort te kry op DVD

TERUG BOONTOE

 
 
TOET EN TAAL (1999)

Hierdie show was sigbaar en hoorbaar geinspireer deur my eerste besoek aan DisneyWorld. Die vertoning einding selfs met die liedjie
"When you wish upon a star"! Die tema VERLEDE en TOEKOMS word verteenwoordig deur twee standbeelde op die
verhoog (die Engel en die Alien).
Een van die hoogtepunte van hierdie show was die video skets waarin ek Noot vir Noot speel met Johan Stemmet (op die regte
Noot v Noot stel)
Ek hoor ABSA het dit oorweeg om my te sue oor die "ABSES" verwysing na hulle in Noot vir Noot.
Musiekverwerking deur Didi Kriel.

Binnekort te kry op DVD

TERUG BOONTOE

 
 
WETTER (1998)

Die eerste "duur" one man show, met videosketse, 'n redelike groot stel en imponerende beligting. Dis hierdie show wat die woord "poespas"
op die poster gehad het, en verbied was in Pretoria. Daaroor word toe later breedvoerig gepraat in Toet&Taal.
Ek hoor McDonalds het dit oorweeg om my te sue oor die "McDonalds McDonalds" skets.
Musiekverwerking deur Didi Kriel en Deon Roberts

Te kry op DVD

TERUG BOONTOE
 
 
WALGWORS (1997)

My heel eerste volwaardige one-man-show (maw dit was NET ek alleen op die verhoog).
Dit was 'n baie groot sukses, en van hierdie show af het ek net in
teaters opgetree en nie meer in enige vorm van "teater restaurant" nie.
In vele opsigte het WALGWORS dus 'n nuwe fase in my loopbaan beteken.
Dit is een van my gunsteling shows na al hierdie jare, en alhoewel dit maar "arm" lyk teen die nuwer vertonings,
bly die onderwerpe (soos aborsie, misdaad, klone en drugs) steeds baie relevant.

Musiekverwerkings deur Andrew Roos en Didi Kriel

Binnekort te kry op DVD

TERUG BOONTOE

 
 
ONTVRIES (1995/1996)

My laaste show saam met Andrew Roos op die verhoog. OntVries was op 'n manier 'n "samevatting" van die 5 jaar wat ek en Andrew
saamgewerk het.

Hierdie vertoning se hoogtepunte was op die CD "Meer As Lewendig" - wat nou uitverkoop is.
Dis nooit op video vasgelê nie.


Musiekverwerkings Andrew Roos
TERUG BOONTOE

   
 
GEMINI (1994)

Raai wie is gebore in hierdie show? Oom Kallie Marie!! Yip - die oom is al 10 jaar oud (ek skryf hierdie stuk in 2004).
Gemini was 'n baie musikale show - met 'n groot band, nl. Andrew Roos, Theo Scholtz, Lolly Sonmez en Eppie Angileri.
Toe ons in Pretoria opgetree het, was daar ook 'n 4 stuks blaasorkes op die verhoog!
Dit was met hierdie show wat ek die "ek verlaat die land" insident gehad het.

Songs
Gemini
Het is so fijn
Briele
O Mama
Anton Goosen Tribute Medley
Feetjieland (vieslik vinnig)
Midnight Blue

Musiekverwerkings deur Andrew Roos
TERUG BOONTOE

   
 
SMALL TALKS (1992/1993)

In hierdie show het die Noot vir Noot "kyk hoe kyk sy vir my" skets ontstaan.
SMALL TALKS was ontwikkel vir Pieter Toerien se Alhambra Teater net nadat ek 8 maande daar in Pieter-Dirk Uys se "Die Van Aardes van
GrootOor" gespeel het. Vandaar die Engelse titel.
Dit was die eerste show waarin ek en Andrew Roos saamgewerk het.
Hy het sy bekende Elton John/Klassieke Musiek medley aan die begin van die die tweede helfte gedoen.
Frikkie (die klein seuntjie wat deur sy ma in die wildtuin gelos word) was vir die eerste keer in hierdie opvoering.
TERUG BOONTOE